اردوئے معلیٰ

Search

فروغِ علم کی یا رب کتاب کر دے عطا

سوال کا جو مکمل جواب کر دے عطا

 

کریم ذات پہ تیری مجھے بھروسہ ہے

ہر اک گنہ سے مجھے اجتناب کر دے عطا

 

مرے جہاں کو جو سیرابِ آرزو کر دیں

مجھے تو اپنے کرم کا سحاب کر دے عطا

 

حضور تیرے جو مشکل سوال میں رکھّوں

نبی کے صدقے میں اس کا جواب کر دے عطا

 

ترے کرم پہ دل و جاں مرے فداؔ ہو جائیں

مری نظر کو مرا انتخاب کر دے عطا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ