اردوئے معلیٰ

Search

قتیلِ تیغِ فنا ! جادۂ بقا کو ڈھونڈ

برائے خیر ، محمد کے نقشِ پا کو ڈھونڈ

 

کریم رکھتے نہیں ہیں ثنا کو تا بہ طلَب

ورائے عرضِ طلب گوہرِ عطا کو ڈھونڈ

 

میانِ حشر شفاعت کی موجِ دل افزا

خطا سرشت کی لے گی ہر اِک خطا کو ڈھونڈ

 

فصیلِ فہم سے بالا رضا کی منزل ہے

ازل ، ابد کے میاں نقشِ کربلا کو دھونڈ

 

تری نظر کو ورا الوریٰ سے کیا نسبت

چراغِ حبِ نبی سے رہِ خُدا کو ڈھونڈ

 

صبا کے ہاتھ نہ بھیجا پیامِ اذنِ سفر

سخی نے خود ہی لیا دستِ نار سا کو ڈھونڈ

 

درونِ نعت ہی وا ہے لقا کا در مقصودؔ

میانِ عرضِ ثنا نازِ مدعا کو ڈھونڈ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ