اردوئے معلیٰ

Search

قدرت کا شاہکار سراپا حضور کا

کامل ترین دنیا میں اُسوہ حضور کا

 

آزاد ہیں گمانِ حدود و قیود سے

ہر دور مصطفی کا ، زمانہ حضور کا

 

والیل میں ہے مدحتِ گیسوئے مصطفی

اور والضحٰی میں چہرئہ زیبا حضور کا

 

خلقِ خدا کو ملتا ہے جو کچھ جہان میں

پانی کا قطرہ ، قطرہ ہے دانہ حضور کا

 

اللہ کے خزانوں کے مالک حضور ہیں

جس کو بھی جتنا چاہے ہے دینا حضور کا

 

ہر چیز دسترس میں ہے میرے حضور کے

ہر غیب پر ہے علم کا پہرہ حضور کا

 

ظلم و ستم کے دور میں بھی دیکھیئے یہاں

رنگِ طرب ، سکون ہے صدقہ حضور کا

 

ہر ایک آسمانی صحیفے میں اے رضاؔ

واضح بیاں ہے سارے کا سارا حضور کا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ