اردوئے معلیٰ

Search

قریہ قریہ نعت مسلسل پھیلے گی

مدحت کی سوغات مسلسل پھیلے گی

 

باطل جس پیغام سے خائف ہوتا ہے

اس کی ہر اک بات مسلسل پھیلے گی

 

آقا کی سیرت کو جب اپناؤ گے

رحمت کی برسات مسلسل پھیلے گی

 

جب تک دین سے دور رہے گی یہ اُمت

گمراہی کی رات مسلسل پھیلے گی

 

شیطانوں کی راہ چلیں گے جب تک ہم

بے شرمی، بد ذات، مسلسل پھیلے گی

 

دین کو مضبوطی سے تھامو! تم احسنؔ

دیں چھوڑا تو مات مسلسل پھیلے گی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ