اردوئے معلیٰ

Search

لب پہ پھر آئی ہے فریاد رسول عربی

کیجیے ہاں مری امداد رسول عربی

 

آپ کی ذات ہر اک طرح سے ہے فخر زماں

حق ہے ہر آپ کا ارشاد رسول عربی

 

تھک گئے ہند کے یہ روز و شب و شام و سحر

سنتے سنتے مری فریاد رسول عربی

 

ہجر طیبہ میں نہیں ایک گھڑی مجھ کو قرار

زندگی ہو گئی برباد رسول عربی

 

آپ کے ہاتھ میں ہے میرا چمن میری بہار

تاک میں ہے مری صیاد رسول عربی

 

کوئی پیدا نہ ہوا کوئی نہ پیدا ہوگا

آپ جیسا کرم ایجاد رسول عربی

 

بگڑی بہزادؔ کی للہ بنا دیں سرکار

کیوں پریشاں رہے بہزادؔ رسول عربی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ