اردوئے معلیٰ

لہجے کو دے سخن الگ، حرفوں کو بانکپن جُدا

مدحِ نقوشِ پا کی ہے شوخیٔ فکر و فن جُدا

 

اُن کے دیارِ ناز میں لیتا ہُوں خُلد کے مزے

یوں تو یہ ہوش ہے مجھے دونوں کی ہے پھبن جُدا

 

ویسے تو تیرے دَم سے ہے ثبتِ وجودِ کُل، مگر

تیرا زماں ہے منفرد، باقی ہیں سب زمن جُدا

 

یہ ہے ترے یقیں میں گُم، یہ ہے ترے گماں میں خوش

گرچہ ترے فقیر کی آب و ہَوا، وطن جُدا

 

آمدِ ماہِ رنگ کی سارے چمن میں دھُوم ہے

بُلبل و قُمری رقص جُو، لالہ و گُل مگن جُدا

 

مہر و مہ و نجوم کے اپنے ہیں سلسلے الگ

تیرے مضافِ شہر سے کھِلتی ہے اِک کرن جُدا

 

آپ ہیں متنِ حرفِ کُل، باقی ہیں سارے حاشیے

نکہتِ کُل سے متّصل کھِلتا ہے اِک چمن جُدا

 

ویسے تو چھوڑ جائیں گے اپنے بھی اور پرائے بھی

لیکن نہ ہو گا نعت سے ہرگز مرا کفن جُدا

 

علم و ادب کے شہر میں لاکھوں بلند نام ہیں

تیرے ثنا گروں کا ہے مرتبۂ سخن جُدا

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات