اردوئے معلیٰ

محبوبِ ربِّ انس و جاں میرے حضور ہیں

محبوبِ جملہ مرسلاں میرے حضور ہیں

 

میرے حضور قافلہ سالارِ عارفاں

جانِ جہانِ عاشقاں میرے حضور ہیں

 

میرے حضور مرکزِ اُمیدِ سالکاں

مرکز نگاہِ مقبلاں میرے حضور ہیں

 

میرے حضور مونس و غم خوارِ بے کساں

چارا گرِ بے چارگاں میرے حضور ہیں

 

میرے حضور باعثِ تخلیقِ کائنات

آفاق کے روحِ رواں میرے حضور ہیں

 

میرے حضور حاملِ قرآں ہیں بالیقیں

ربّ العلیٰ کے ترجماں میرے حضور ہیں

 

احقر ظفرؔ ہے آپ کا بندہ مرے حضور

بندہ نواز و مہرباں میرے حضور ہیں

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات