اردوئے معلیٰ

Search

محسن و غمخوارِ انساں ہیں حضور

عظمت و توقیرِ قرآں ہیں حضور

 

اُن کے ہی لطف و کرم میں زندگی

باعثِ تسکینِ ہر جاں ہیں حضور

 

ہر جگہ ، ہر موڑ پر ، ہر دور میں

اپنی اُمت کے نگہباں ہیں حضور

 

صدرِ بزمِ مرسلاں ، فخر الہدیٰ

وصل کی شب کے بھی مہماں ہیں حضور

 

نورِ عالم ، رحمتِ کونین ہیں

شاہِ جنت ، ظِلِّ رحماں ہیں حضور

 

سر سے لے کر پاؤں تک ہیں روشنی

شاہکارِ ربِ ذیشاں ہیں حضور

 

شان جن کی سب سے اعلیٰ ہے رضاؔ

ماوارئے عقلِ انساں ہیں حضور

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ