اردوئے معلیٰ

Search

محمد مظہر شان خدا ہیں

محمد بندہ یزداں نما ہیں

 

محمد رحمتوں کی وہ گھٹا ہیں

کہ جس کی ذیل میں ارض و سما ہیں

 

محمد ہیں مدارِ حسن و خوبی

محمد صدرِ بزمِ ا نبیائ ہیں

 

محمد عظمتوں کی آخری حد

محمد خوبیوں کی انتہائ ہیں

 

وہی ہیں بے سہاروں کا سہارا

وہی بے آسروں کا آسرا ہیں

 

وہکتا ہے انہی سے شعلہ گل

وہی تحریک دامان صبا ہیں

 

نصاب دلبری ان پر تصدق

وہ اتنے دل ربا شیریں ادا ہیں

 

تو پھر اعمال پر تکیہ ہے کیسا

اگر وہ شافع روز جزا ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ