اردوئے معلیٰ

Search

محمد کے پسینے کی مہک ہے

تخیل میں مدینے کی مہک ہے

 

ریاض الجنّہ کی بیٹھک کے لمحات

ترے منبر کے زینے کی مہک ہے

 

مرا دل مستقر حبِ نبی کا

مری سانسوں میں سینے کی مہک ہے

 

وہ دسترخوانِ نعمت جو بچھے ہوں

وہاں قہوے کے پینے کی مہک ہے

 

وہ تیرے شہر میں مرنے کی خواہش

تری مسجد میں جینے کی مہک ہے

 

عقیق و لعل و نیلم وہ وہاں کے

الگ ہر اِک نگینے کی مہک ہے

 

سبھی کچھ ذہن دھندلا تو رہا ہے

مگر تازہ ، سفینے کی مہک ہے

 

بھلائی جا سکی ناں ہم سے اشعرؔ

فضاؤں میں قرینے کی مہک ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ