اردوئے معلیٰ

Search

مدحت کروں حضور کی دے حوصلہ مجھے

سوز و گداز عشق کا کر دے عطا مجھے

 

باقی رہے کسی کی ضرورت نہ زیست میں

کر دے حبیبِ پاک کے در کا گدا مجھے

 

زم زم سے پیاس دنیا میں بجھتی رہے مری

محشر میں دستِ پاک سے کوثر پلا مجھے

 

درکار اور کیا ہے مجھے دو جہان میں

تیرے حبیب کا جو ملے آسرا مجھے

 

ہو ناز کیوں نہ اپنے مقدّر پہ وارثی

آقا کے امتی کا ملا مرتبہ مجھے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ