اردوئے معلیٰ

Search

مدینے پہ چھائی بہار رسول

مدینہ بنا جلوہ زار رسول

 

ہر اک اشک غم کہہ رہا ہے یہی

نگاہوں کو ہے انتظار رسول

 

یہ دوزخ ہے کیا اور یہ کیا ہے بہشت

کہ ہر شے پہ ہے اختیار رسول

 

ہیں معراج کی شب کے شاہد ملک

تھا اللہ کو انتظار رسول

 

یہ قرآں جو احمد پہ نازل ہوا

ہیں احکام پروردگار رسول

 

نہ ایماں پہ جاں دی نہ دیں پر مٹے

کیا ہم نے کوئی نہ کار رسول

 

ہے بہزادؔ مضطر مری یہ دعا

الٰہی دکھا دے دیار رسول

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ