مسافر مدینے نوں جا کے تے ویکھیں
تینوں اوتھے رنگ وی نرالے ملن گے
حلیمی مِلے گی تینوں پتھراں چوں
ہنیرے دے وچوں اجالے مِلن گے
کہانی سناوے گا اک اک نظارا
محبت دے تھاں تھاں حوالے مِلن گے
کِتے کندھاں اوہلے تے نکراں چ بہہ کے
اوتھے رو رئے کرماں والے مِلن گے
نہ اوہو جہیاں ای وفاواں نے ہونا
نہ اوہو جئے ای ازالے مِلن گے
نہ دنیا دے وچ ایسا ہویا نہ ہونا
جتھے بھائی چارے دے پالے مِلن گے
مجیدؔ اک پیالہ ستّر نوں رجاوے
مدینے توں انج دے ہی پیالے مِلن گے
