اردوئے معلیٰ

Search

مست خدائی نوں کرے جام ترا چھلک پوے

رقص کرے بہار وی حق دا چمن مہک پوے

 

تاج تری گدائی دا سِر تے سجا کے سوہنیا

فرش تے اتھرو جے ٹرن عرش تے جا دھمک پوے

 

میری نگاہیں نہ پوے ہور کوئی وی جھِیترا

اک آپ دی جھلک پوے بس آپ دی جھلک پوے

 

میرے دَوارے آ جُھکے بن کے فقیر چاننا

شوق مِرے دے طور تے بجلی تری چمک پوے

 

موت نوں ہرا کے میں لوکھ حیاتی نوں لواں

کنڈ مِری تے سوہنیا اک جے تری تھپک پوے

 

نین جھلار گیڑ کے کھیت وچھوڑے دا بھرن

یاد مدینے پاک دی دل دی گلی رلک پوے

 

اعجازؔ نوں نیں رہنیاں یاد کدوں قیامتاں

زلف تری بے مثل مکھ تے جے کدی لٹک پوے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ