اردوئے معلیٰ

Search

مصطفی جان رحمت پہ لاکھوں سلام

شمعِ بزمِ ہدایت پہ لاکھوں سلام

 

صاحبِ رجعتِ شمس و شق القمر

نائبِ دستِ قدرت پہ لاکھوں سلام

 

جن کے سجدے کو محرابِ کعبہ جھکی

ان بھنوؤں کی لطافت پہ لاکھوں سلام

 

جس طرف اُٹھ گئی دم میں دم آگیا

اس نگاہِ عنایت پہ لاکھوں سلام

 

جس کو بارِ دو عالم کی پروا نہیں

ایسے بازو کی قوت پہ لاکھوں سلام

 

جس سہانی گھڑی چمکا طیبہ کا چاند

اس دل افروز ساعت پہ لاکھوں سلام

 

جس سے تاریک دل جگمگانے لگے

اس چمک والی رنگت پہ لاکھوں سلام

 

غوث اعظم امام التقیٰ و النقیٰ

جلوئہ شانِ قدرت پہ لاکھوں سلام

 

مجھ سے خدمت کے قدسی کہیں ہاں رضاؔ

مصطفی جان رحمت پہ لاکھوں سلام

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ