ممتاز شاعر اور ڈرامہ نگار عدیم ہاشمی کا یوم پیدائش

آج ممتاز شاعر اور ڈرامہ نگار عدیم ہاشمی کا یوم پیدائش ہے

عدیم ہاشمی یکم اگست، 1946ء کو ڈلہوزی، بھارت برطانوی ہندوستان میں پیدا ہوئے۔ ان کا اصل نام فصیح الدین تھا۔۔ عدیم ہاشمی کا شمار اردو کے جدید شعرا میں ہوتا تھا۔ ان کے متعدد شعری مجموعے شائع ہوئے جن میں ترکش، مکالمہ، فاصلے ایسے بھی ہوں گے، میں نے کہا وصال، مجھے تم سے محبت ہے، چہرا تمہارا یاد رہتا ہے، کہو کتنی محبت ہے اور بہت نزدیک آتے جا رہے ہو کے نام سرفہرست ہیں۔ انہوں نے پاکستان ٹیلی وژن کے لیے ایک ڈراما سیریل آغوش بھی تحریر کیا اور مشہور ڈراما سیریز گیسٹ ہاؤس کے لیے بھی کچھ ڈرامے تحریر کیے۔
شعری مجموعے
مکالمہ
بہت نزدیک آتے جا رہے ہو
چہرہ تمہارا یاد رہتا ہے
فاصلے ایسے بھی ہوں گے
ترکش
کہو کتنی محبت ہے
میں نے کہا وصال
مجھے تم سے محبت ہے
ڈرامے
گیسٹ ہاؤس
عدیم ہاشمی 5 نومبر، 2001ء کو شکاگو، ریاستہائے متحدہ امریکا میں وفات پا گئے اور شکاگو میں پاکستانیوں کے قبرستان میں سپرد خاک ہوئے۔
۔۔۔۔۔۔۔۔۔۔۔۔
منتخب کلام:
۔۔۔۔۔۔۔۔۔۔۔۔

 

فاصلے ایسے بھی ہوں گے یہ کبھی سوچا نہ تھا

سامنے بیٹھا تھا میرے اور وہ میرا نہ تھا

وہ کہ خوشبو کی طرح پھیلا تھا میرے چار سو

میں اسے محسوس کر سکتا تھا چھو سکتا نہ تھا

رات بھر پچھلی سی آہٹ کان میں آتی رہی

جھانک کر دیکھا گلی میں کوئی بھی آیا نہ تھا

میں تری صورت لیے سارے زمانے میں پھرا

ساری دنیا میں مگر کوئی ترے جیسا نہ تھا

آج ملنے کی خوشی میں صرف میں جاگا نہیں

تیری آنکھوں سے بھی لگتا ہے کہ تو سویا نہ تھا

یہ سبھی ویرانیاں اس کے جدا ہونے سے تھیں

آنکھ دھندلائی ہوئی تھی شہر دھندلایا نہ تھا

سینکڑوں طوفان لفظوں میں دبے تھے زیر لب

ایک پتھر تھا خموشی کا کہ جو ہٹتا نہ تھا

یاد کر کے اور بھی تکلیف ہوتی تھی عدیمؔ

بھول جانے کے سوا اب کوئی بھی چارا نہ تھا

مصلحت نے اجنبی ہم کو بنایا تھا عدیمؔ

ورنہ کب اک دوسرے کو ہم نے پہچانا نہ تھا

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email
لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

شاعر پروفیسر سید مجتبیٰ حسین کا یوم پیدائش
یوروپین شاعر جان محمد آزاد کا یوم وفات
مشہور و معروف شاعر لیاقت علی عاصمؔ کا یومِ پیدائش
معروف شاعر اور ادیب محسنؔ زیدی کا یومِ وفات
شاعر اور انشائیہ نگار ڈاکٹر وزیر آغا کا یومِ وفات
اردو کے صاحب طرز شاعر 'شاعر لکھنوی' کا یوم وفات
مولانا جلال الدین رومی کا یومِ پیدائش
ممتاز شاعر مصطفٰی زیدیؔ کا یومِ پیدائش
نامور شاعر اور ناول نگار مرزا محمد ہادی رسوا کا یوم وفات
شاعر محمد حسن نجمی سکندرپوری کا یومِ پیدائش