اردوئے معلیٰ

Search

میراں غوث قطب ابدال پیر زمانے دے

میراں حسنی حسینی لال سخی گھرانے دے

 

غوث میراں دِیاں شاناں اُچیاں

گلاں اوہناں دِیاں سچیاں سُچیاں

 

رُتبہ بہت کمال پیر زمانے دے

حسنی حسین لال سخی گھرانے دے

 

چوراں نوں پھڑ قطب بناون

ڈبے بیڑے فیر تر اون

 

سب نوں کرن نہال پیر زمانے دے

حسنی حسینی لال سخی گھرانے دے

 

جے کوئی منگتا دَر تے آوے

ایتھوں جھولیاں بھر بھر جاوے

 

کردے نے مالا مال پیر زمانے دے

حسنی حسینی لال سخی گھرانے دے

 

میراں پیر نے سب پیراں دے

دستگیر نے دلگیراں دے

 

ساریاں دے لجپال پیرزمانے دے

حسنی حسینی لال سخی گھرانے دے

 

غوث پاک دے بھرے خزانے

کُھلے فیض دے لنگر خانے

 

بھر بھر دیندے تھال پیر زمانے دے

حسنی حسین لال سخی گھرانے دے

 

ناز وی کر دی میراں میراں

دَر تے بیٹھی نال فقیراں

 

اس دا وی کرو خیال پیر زمانے دے

حسنی حسینی لال سخی گھرانے دے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ