اردوئے معلیٰ

Search

 

من موہن کی یاد میں ہر پل ساون بن کر برسے نیناں

تاک رہے ہیں راہ پیا کی لڑکپنے سے ترسے نیناں

 

تڑپ رہے تھے دکھ کے کارن دید کی آشاؤں میں بیا کل

چوکھٹ پر دھر کے آیا ہوں گھائل تھے اندر سے نیناں

 

سیّاں جی بس ایک نجر اس دکھیارے کی اور بھی ہو

جی جائیں گے ایک ہی پل میں تمری ایک نجر سے نیناں

 

دکھ سکھ گھر در تیاگ کے سجناں تورے نگر میں آن بسے ہیں

دو جگوا میں کون ہے ان کا جائیں کہاں اس در سے نیناں

 

پیتم سونا پیتم ہیرا اور نیناں بے مول کی ماٹی

ٹوٹ نہ جاوے کاچا سپنا جاگت ہیں اس ڈر سے نیناں

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ