اردوئے معلیٰ

Search

من کے خدا دا واسطہ اے رات جھٹ اجھک پَوَیں

سرکار نال کر لواں گل وات جھٹ اجھک پویں

 

توں روپ مصطفیٰ دے وچ آیوں خدا دے جلویا

نس نس مِری سما لوے اج ذات جھٹ اجھک پویں

 

اوہدی گلی دے سپُھنیا من جا مِنَت فقیر دی

کجھ چین دی میں لے لواں خیرات جھٹ اجھک پویں

 

کجھ ہور کملی والیا بیمار دا بھلا چا کر

رج کے پوے تجلی دی برسات جھٹ اجھک پویں

 

نہ جا مدینہ چھوڑ کے دل اکھ دے پیریں پے گیا

دربار نوں میں تک لواں اک جھات جھٹ اجھک پویں

 

مینوں پتہ میں کون ہاں جگ بھانے بھاویں کجھ وی نئیں

پر جگ وی اپنی تک لوے اوقات جھٹ اجھک پویں

 

من کے خدا دا واسطہ جے آکھیں تے قضائے نی !

اعجازؔ نہ سُنا لوے اک نعت جھٹ اجھک پویں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ