اردوئے معلیٰ

Search

مِرے دل نگر دیا واسیا مرا دل نگر ترے واسطے

منے اکھ ترے توں کیوں کراں بنی جد نظر ترے واسطے

 

جو سمجھدے لوک سمجھ لَوَن مِرا عشق توں ترا مست میں

مِرا قال توں مِرا حال توں مِرا روپ ہر ترے واسطے

 

ترے شہر دی میں گلی گلی کیوں نہ پھراں ہے مجال کیہ

مِری سوچ نوں جدوں دے گئی تری یاد پر ترے واسطے

 

کدوں غم تے فیر ملال نیں تری زلف دے جدوں جال نیں

مِری ذات خوش تری زلف دے سدوں قید گھر ترے واسطے

 

کدی اس نگر کدی اس نگر جدے وسّیں توں مِرا اودے گھر

تری ذات دا میں فقیر ہاں مِرا ہر سفر ترے واسطے

 

ترے امّتی بے مثال نیں تری اک نظر دا کمال نیں

ملے جس نوں وی دو جہان وچ ملے نیں اجر ترے واسطے

 

ترے در سوا مرے کول کیہ مِرا تاج توں اعجازؔ توں

گنہگار ہو کے حضور میں اجے ہاں بشر ترے واسطے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ