اردوئے معلیٰ

Search

میری پہچان ہے سیرت اُن کی

میرا ایمان ! محبت اُن کی

 

آج ہم فلسفہ کہتے ہیں جسے

وہ مساوات تھی عادت اُن کی

 

فتحِ مکہ ، مرے دعوے کی دلیل

عدل کی جان ، عدالت اُن کی

 

حرفِ اَتمَمْتُ عَلَیْکُم ہے گواہ

حُسنِ تکمیل ہے بعثت اُن کی

 

میں کہ راضی بہ رضائے رب ہوں

کوئی حسرت ہے تو حسرت اُن کی

 

وقت اور فاصلہ برحق لیکن

میرا فن کرتا ہے بیعت اُن کی

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ