اردوئے معلیٰ

Search

 

میرے احساس کے دریا میں روانی تجھ سے

اے گل جاں میرے ہونے کی نشانی تجھ سے

 

موسم گل بھی ترا فصل خزاں بھی تیری

میری آواز کے صحراؤں میں پانی تجھ سے تجھ سے

 

تجھ سے ہی میری تمناؤں نے وسعت پائی!

آنکھ کے رنگ سماعت کے معنی تجھ سے

 

تجھ سے آنکھوں نے لیا رنگ پرکھنے کا ہنر

لفظ کی جادوگری نطق نے جانی تجھ سے

 

تو جو چاہے تو سمندر کو کنارہ کر دے

خاک کے بخت میں پیدا ہو گرانی تجھ سے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ