اردوئے معلیٰ

 

میں آیا ہوں یا مصطفیٰ کہتے کہتے

چلا جاوؔں صِلّ علیٰ کہتے کہتے

 

میں روتا پھروں جا بجا کہتے کہتے

مجھے مل گئے مصطفیٰ کہتے کہتے

 

مرا یہ مقدر کہ خود میرے آقا

مجھے دیکھتے ہیں گدا کہتے کہتے

 

پہنچ ہی گیا ہوں میں سرکارِ در پر

خطاوؔں کو اپنی خطا کہتے کہتے

 

میں خود دلبر ہو گیا اے مدینہ

تجھے دل رُبا، دل رُبا کہتے کہتے

 

نشاں اپنی منزل کا ڈھونڈا ہے ہم نے

حضور آپ کا نقشِ پا کہتے کہتے

 

بنے کام کیا کیا نہ مسرور کیفی

میں جب رو پڑا ماجرا کہتے کہتے

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات