اردوئے معلیٰ

Search

میں ہوں چہرہ تری خواہش کا، مرے بعد تو دیکھ

آئنہ دیکھ تو دانش کا، مرے بعد تو دیکھ

 

مجھ پہ ناکامی کے عنوان ابھی سے نہ لگا

تُو نتیجہ مری کاوش کا مرے بعد تو دیکھ

 

تُو مرے ہاتھ میں بجھتی ہوئی مشعل پہ نہ جا

دُور تک سلسلہ تابش کا مرے بعد تو دیکھ

 

پیاسی مٹی مجھے پی جائے گی مانا، لیکن

قطرہ پہلا ہوں میں بارش کا، مرے بعد تو دیکھ

 

اب جو بچھڑا ہوں تو روتا ہے وہی سرد مزاج

معجزہ برف میں آتش کا مرے بعد تو دیکھ

 

مجھ سے کہتا ہے گزرتا ہوا ہر دن یہ ظہیرؔ

چھوڑ دامن مری خواہش کا، مرے بعد تو دیکھ
 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ