اردوئے معلیٰ

Search

نصیب تھا علی اصغر کا یار بچپن میں

بنایا خلد کو جائے قرار بچپن میں

 

حسین ابنِ علی کے جگر کا ٹکڑا تھا

جو کربلا میں ہوا مشکسار بچپن میں

 

دیئے گئے اسے تسنیم و سلسبیل کے جام

جو تشنگی نے کیا بے قرار بچپن میں

 

علی کا عزمِ شجاعت تھا اس کے چہرے پر

نبی کے نور کا تھا عکس دار بچپن میں

 

گیا ہے چھوڑ کے آغوشِ مادری کا سکوں

چنا ہے جس نے شہادت کا بار بچپن میں

 

علی کا خون تھا منہ پھیر کر کہاں جاتا

خوشی سے سہہ لیا دشمن کا وار بچپن میں

 

یہ بے مثال ہے کمسن شہیدِ کرب و بلا

ہوا جو دینِ خدا پر نثار بچپن میں

 

منقبت بحضور سیدنا علی اصغر رضی اللہ تعالیٰ عنہ
یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ