اردوئے معلیٰ

Search

 

چراغ عشق جلا ہے ہمارے سینے میں

بدن یہاں ہے مگر روح ہے مدینے میں

 

حضورِ پاک کے قدموں کی خاک مل جائے

عطا کی کوئی نہیں ہے کمی خزینے میں

 

میں کربلا سے چلوں اور حرم میں جا پہنچوں

کرم ہو مجھ پہ محرم کے اس مہینے میں

 

سنہری جالیاں چوموں تو دم نکل جائے

پھر اس کے بعد بہت لطف آئے جینے میں

 

میں بحرِ عشق میں ڈوبا ہوں اس قدرقیصرؔ

جگہ بھنور کو بھی مل جائے گی سفینے میں

 

نبی کے نام پہ سب کچھ عطا ہوا قیصرؔ

کوئی قرینہ نہیں تھا مرے قرینے میں

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ