اردوئے معلیٰ

Search

 

کاش ابروئے شہِ دین کا جلوہ دیکھیں

تب مرے اشکِ رواں عید کا چہرہ دیکھیں

 

دل کرے صبح و مسا اسمِ محمد کا طواف

اور آنکھیں شہِ ابرار کا رستہ دیکھیں

 

اب تو اک جلوے کی خیرات عطا فرما دیں

کب سے پھیلا ہے مری آنکھ کا کاسہ دیکھیں

 

مہبطِ شوق ہے ترسیدہ بھی رنجیدہ بھی

قصرِ امید پہ ہے ہجر کا پہرہ دیکھیں

 

سر بہ خم رہتے ہیں افلاک سرِ شہرِ ارم

سر اٹھائیں تو مرے شاہ کا تلوہ دیکھیں

 

وہ جو مقبول ہوا بارگہِ مدحت میں

اوجِ قوسین پہ اس حرف کا رتبہ دیکھیں

 

میرے جرموں کو چھپا لینا ہمیشہ کی طرح

حشر میں لوگ نہ عاصی کا تماشہ دیکھیں

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ