اردوئے معلیٰ

Search

کجھ ڈنگ حیاتی دے ودھاویں نہ ودھاویں

مکھ آپ دی مرضی اے وکھاویں نہ وکھاویں

 

ہر آس کھلوتی اے ترا مَل کے دوارا

توں خیر دے کے ایہنوں رجاویں نہ رجاویں

 

میں غم دے سمندر، تے کنارے توں حبیبا

ہے موج تری مینوں تراویں نہ تراویں

 

قاسم توں زمانے دا توں محبوب خدا دا

مینہ آپ عطاواں دے وساویں نہ وساویں

 

ایہ شوق دا لشکر تے پیاسا اے بتیرا

دیدار دے چشمے توں چلاویں نہ چلاویں

 

چن ہر دے نصیباں دا اشارے تے کھلوتا

سرکار توں انگلی تے کھڈاویں نہ کھڈاویں

 

ہر ساہ دا موسم اے خزاواں دے بھنور وچ

اعجازؔ تے تیرا اے بچاویں نہ بچاویں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ