اردوئے معلیٰ

Search

یا نبی سلام علیک یا رسول سلام علیک

یا حبیب سلام علیک صلواۃ اللہ علیک

 

جان کر کافی سہارا لے لیا ہے در تمھارا

خلق کے وارث خدارا لو سلام اب تو ہمارا

 

یا نبی سلام علیک یا رسول سلام علیک

 

آپ شاہِ انس و جاں ہو وارث کون و مکاں ہو

رہنمائے دو جہاں ہو پیشوائے مرسلاں ہو

 

یا نبی سلام علیک یا رسول سلام علیک

 

نورِ رب العالمیں ہو جلوۂ حق الیقیں ہو

سرور دنیا و دیں ہو دل میں آنکھوں میں مکیں ہو

 

یا نبی سلام علیک یا رسول سلام علیک

 

عاشقِ مائل کی سُن لو بانیٔ محفل کی سُن لو

سامعیں کے دل کی سن لو اکبرؔ بسمل کی سُن لو

 

یا نبی سلام علیک یا رسول سلام علیک

 

میرے مولا میرے سرور ہے یہی ارمان اکبرؔ

پہلے قدموں پر رکھے سر پھر کہے یہ سر اُٹھا کر

 

یا نبی سلام علیک یا رسول سلام علیک

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ