اردوئے معلیٰ

Search

آنکھوں کا چین دل کا سہارا ھے یا نبی

​ہر ایک امتحان میں چارہ ھے یا نبی

 

دل کو سکون آیا مقدر سنور گیا

جب بھی مصیبتوں میں پکارا ھے یا نبی

 

آئیں گے بن کے نور درِ ظلمتِ لحد

طوفانِ ِحشر میں بھی کنارہ ھے یا نبی

 

دامن میں گر ضیا ئے در ِ مصطفیٰ نہ ہو

پھر زندگی تمام خسارہ ھے یا نبی

 

روضے کی جالیو ں پہ ہے قربان زندگی

قدموں میں تیرے موت گوارا ھے یا نبی

 

پڑھ کے درود ،چومتی گنبد کو یہ ھوائیں

​جنت سے بھی حسیں یہ نظارہ ھے یا نبی

 

ھے ربِ کائنات کی ہم پر نوازشیں

محبوب ہم میں اپنا اتارا ھے یا نبی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ