اردوئے معلیٰ

Search

الفاظ جھوم کر یوں قلم سے رواں ہوئے

نعتِ نبی کے واسطے سب ضو فشاں ہوئے

 

ماہِ رسول نے یوں کیا نرم قلب کو

مشغول نعت میں سبھی اہلِ زباں ہوئے

 

جب سے درِ حبیب کے ہم ہوگئے غلام

تو معتبر زمانے میں ہم بھی میاں ہوئے

 

آمد پہ کھلکھلائیں مدینے کی بچیاں

روشن نبی کے نور سے دل کے مکاں ہوئے

 

ادنٰی سے چند لفظ ہیں بخشش کے واسطے

اوصاف ہم سے کب ابھی ان کے بیاں ہوئے

 

پروانے کو چراغ سے نسبت ہے سو عطا

محفل جہاں حضور کی دیکھی وہاں ہوئے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ