اردوئے معلیٰ

Search

انوار سے سَجا ہُوا ایوانِ نعت ہے

مِدحت مِرے حضور کی عرفانِ نعت ہے

 

طیبہ کی ہر گلی میں ہے مہکار اس لئے

ہر گام پر کِھلا ہُوا بُستانِ نعت ہے

 

قرآنِ پاک ذکر ہے خُلقِ عظیم کا

اس كکا ہر ایک لفظ ہی عُنوانِ نعت ہے

 

ہر شعبۂ حیات نے پائی ہے روشنی

’’ہر شعبۂ حیات میں امکانِ نعت ہے‘‘

 

ذکرِ حبیبِ کبیریا ہے جلوہ گر یہاں

صد شکر ہے کہ دل مِرا جزدانِ نعت ہے

 

میں کیوں کہوں کہ مُفلس و نادار ہوں جلیل

زادِ سفر میں جب مِرے سامانِ نعت ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ