انکی ناموس پہ جب حرف کوئی پائیں گے
جاں لٹانے کو مسلمان چلے آئیں گے
میری بے نور سیہ رات بھی اجلی ہوگی
جب بھی آقا مجھے خوابوں میں نظر آئیں گے
حال دل اپنا لبوں سے میں کہوں گی کیسے
اشک امڈیں گے تو سرکار سمجھ جائیں گے
غرض ہوتی نہیں دنیا کی کسی محفل سے
ہم ترے در پہ پڑے تھے، پڑے رہ جائیں گے
برکتیں اسم محمد میں ہیں پنہاں کتنی
اسکی رحمت سے سبھی کام سنور جائیں گے
انکا وعدہ ہے شفاعت کا ہمی جیسوں سے
انکے دامن میں خطاکار جگہ پائیں گے
