اردوئے معلیٰ

Search

اُن کے چہرے کی طلعت پہ لاکھوں سلام

اس سراپائے رحمت پہ لاکھوں سلام

 

چاند سورج پہ بھی حکم ان کا چلے

ان کی ایسی حکومت پہ لاکھوں سلام

 

جڑ گئی زندگی آپ کی ذات سے

آپ کی اس عنایت پہ لاکھوں سلام

 

بعد ان کے نبی کوئی آنا نہیں

ان کی کامل نبوت پہ لاکھوں سلام

 

آپ رحمت ہی رحمت ہیں سب کے لئے

’’مصطفےٰ جان رحمت پہ لاکھوں سلام‘​‘​

 

جس جبیں سے منور ہوئی ہر جبیں

اس جبینِ سعادت پہ لاکھوں سلام

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ