اردوئے معلیٰ

Search

آپ کی آنکھیں اگر شعر سُنانے لگ جائیں

ھم جو غزلیں لیے پھرتے ھیں ٹھکانے لگ جائیں

 

ہم اگر روز بھی اک یاد بُھلانے لگ جائیں

تیری یادوں کو ُبھلانے میں زمانے لگ جائیں

 

ھم تہی ظرف نہیں ھیں کہ محبت کر کے

کسی احسان کے مانند جتانے لگ جائیں

 

ہائے وہ بے چارگیٔ عشق کہ وہ پتھر دل

ٹھوکریں مارے تو ہم پاؤں دبانے لگ جائیں

 

سُست اتنا ہوں کہ بن تیر چلائے چاہوں

کہ مرے تیر پہ خود آ کے نشانے لگ جائیں

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ