اکثر آتے جاتے حاصل ایک سعادت ہوجاتی ہے

اس کی آنکھیں پڑھ لیتے ہیں اور عبادت ہوجاتی ہے

ہم ملتے تھے چاند ، ہوا ، بادل اور جھیل نے دیکھا ہوگا

چار گواہ اکٹھے ہوں مقبول شہادت ہو جاتی ہے

دکھ بھی بچے جن سکتے ہیں میرے چاروں جانب دیکھو

ہر شب میرے کمرے میں آہوں کی ولادت ہو جاتی ہے

پھولوں کا گلدستہ بھیجا ہے جو تم نے بیماری میں

چھے پھولوں اور چھے پتوں سے یار عیادت ہوجاتی ہے ؟؟

جن سے گہرا رشتہ کومل جب وہ اپنا رستہ بدلیں

پہلے تھوڑا دکھ ہوتا ہے بعد میں عادت ہوجاتی ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

یہ جو مجھ پر نکھار ہے سائیں

آپ ہی کی بہار ہے سائیں آپ چاہیں تو جان بھی لے لیں آپ کو اختیار ہے سائیں تم ملاتے ہو بچھڑے لوگوں کو ایک میرا بھی یار ہے سائیں کسی کھونٹے سے باندھ دیجے اسے دل بڑا بے مہار ہے سائیں عشق میں لغزشوں پہ کیجے معاف سائیں! یہ پہلی بار ہے سائیں کل […]

جس سے رشتہ ہے نہ ناتا میرا

ذات اُس کی ہے اثاثہ میرا تیری زُلفیں ہی مِری شامیں ہیں تیرا چہرا ہے سویرا میرا تُو نیا چاند ، میں ڈھلتا سورج ساتھ نبھنا نہیں تیرا میرا میں ترا قرض چکاؤں کیسے؟ مجھ پہ تو قرض ہے اپنا میرا پیار کی میرے اُسے عادت ہے اُس نے غصّہ نہیں دیکھا میرا وہ تو […]