اب میں فقط گمان کی صورت ہوں اور بس

معمول کی ہے بات، کوئی واقعہ نہیں

ناکامِ کارزارِ محبت ہوں اور بس

یہ کاروبارِ عشق و سخن ایک ڈھونگ ہے

میں مبتلائے ذوقِ اذیت ہوں اور بس

لازم نہیں ہوں میں تری صورت حیات کو

ائے ناگزیر ، میں تری عادت ہوں اور بس

تسکین کی طلب ہوں نہ حرفِ دعا کوئی

میں صرف اضطراب کی حالت ہوں اور بس

ائے نو بہارِ غنچہِ نو خیز ، میں فقط

لے دے کے ایک نقشِ کہولت ہوں اور بس

صورت بجز گریز ، نہیں بن سکی کوئی

میں روئیدادِ رنجِ مسافت ہوں اور بس

ائے عہدِ بد مذاق ، فقط رائیگاں ہوں میں

ائے ناشناس عمر، اکارت ہوں اور بس