اردوئے معلیٰ

Search

اہلِ ایمان کا یہ بیاں مصطفٰے

آپ سا کب ہے کوئی کہاں مصطفےٰ

 

مرحبا مرحبا کی مسلسل صدا

لائے تشریف جان ِجہاں مصطفٰے

 

حشر میں آپ کی شان تو دیکھیے

جب پکاریں گے سب ،ہیں کہاں مصطفٰے

 

علم و عرفان کا شہر ہے آپ سے

بن گئے علم کے آسماں مصطفٰے

 

تذکرہ ہو رہا ہے یہی برملا

رونقِ باغِ کون و مکاں مصطفٰے

 

زاؔہدِ بے نوا کی خبر لیجیے

دو جہانوں میں وجہِ اماں مصطفےٰ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ