اردوئے معلیٰ

Search

بخت جب کرب کے سائے میں ڈھلا ہو بابا

ہم فقیروں کی دعا ہے کہ بھلا ہو بابا

 

کیا پتہ اس کو ہو پچھتاوا بچھڑ جانے پہ

ہاتھ افسوس سے اس نے بھی ملا ہو بابا

 

اس کا کیا جس کو تپش تھوڑی لگے سورج کی

پاؤں جس شخص کا چھاؤں میں جلا ہو بابا

 

اس لئے مڑ کے کئی بار تلاشا یونہی

کیا خبر پیچھے مرے کوئی چلا ہو بابا

 

ہو بھی سکتا ہے یہ آنسو ہوں دکھاوا اس کا

اک کلاکار کی یہ جھوٹی کلا ہو بابا

 

عشق سے کہنا کہ اس کو تو رعایت دے دے

مجھ سا نازوں میں اگر کوئی پلا ہو بابا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ