اردوئے معلیٰ

Search

بوجھ سینے سے گناہوں کا اُتارا جائے

وقت آقا کی محبت میں گزارا جائے

 

اُن کے مدّاحوں میں شامل ہے مرا نام و نسب

بس اسی نام سے اب مجھ کو پکارا جائے

 

آپ کے ذکر سے کھِل جائیں شگوفے دل میں

یہ چمن آپ کی یادوں سے سنوارا جائے

 

آپ کے ہجر میں یہ قلب حزیں رہتا ہے

آپ کے قرب سے یہ دشت بہارا جائے

 

اُن کی عظمت کا بھی ادراک ضروری ہے فدا

قبل اس سے کہ تو غفلت میں نہ مارا جائے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ