اردوئے معلیٰ

Search

بہتر سبھی ہوتے گئے حالات مسلسل

جب سے ہے کرم اُن کا مِرے ساتھ مسلسل

 

سرکارِ دوعالم کے مدینے سے جہاں کو

مِلتی ہے عنایات کی سوغات مسلسل

 

ہاتھوں پہ وار دوں میں جہاں کا تمام حُسن

بھرتے ہیں سب کی جھولیاں وہ ہاتھ مسلسل

 

آقا کی رہبری کا یہ احسان دیکھیے

پاتا ہوں میں سب عزتیں دن، رات مسلسل

 

وہ آ گئے تو قبر بھی روشن ہوئی مِری

پُرکیف ہو گئے مِرے لمحات مسلسل

 

خواہش ہے مِری آقا کہ میں دِل سے رضاؔ کی

پڑھتا ہی رہوں آپ کی یوں نعت مسلسل

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ