اردوئے معلیٰ

Search

جان آقا دے روضے توں اج وار دے پھر زیارت پتہ نئیں کدوں ہونی اے

اے گدا اس جھلک توں فدا ہون دی پھر اجازت پتہ نئیں کدوں ہونی اے

 

نین بے چین اج ہن کبوتر بنے سوہنے روضے توں ہوندے نہ اک پل منے

میرے ورگے نکمے دی پھر شاعری انج حقیقت پتہ نئیں کدوں ہونی اے

 

میری اودر نمانی دا مُکے سفر تیرے مکھڑے سوا کجھ نہ آوے نظر

میری اکھ دے نگر تیرے دیدار دی انج حکومت پتہ نئیں کدوں ہونی اے

 

ورد صل علٰے دا توں کردا رہو تاہنگھ دے خالی کاسے نوں بھردا رہو

اے دلا سوہنی جالی توں اکھ نہ ہٹا ایڈی قسمت پتہ نئیں کدوں ہونی اے

 

درد تیرا ملے یا ای تھوڑا جہیا دل مرا جھال جھلدا نئیں کملا جہیا

ہر خوشی نالوں ودھ کے ترے درد دی مینوں عادت پتہ نئیں کدوں ہونی اے

 

تیری محفل دے وچ اے گدا آگیا توں نظر توں پلائی مزا آگیا

میں گنہگار دے جیندیاں جیندیاں ایہ کرامت پتہ نئیں کدوں ہونی اے

 

جد وچھوڑے دی کوئل کرے آ کے کُو تیری یاداں دا اعجازؔ کر کے وضو

والضحیٰ میں پڑھاں مکھ ترا تک لواں انج تلاوت پتہ نئیں کدوں ہونی اے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ