اردوئے معلیٰ

Search

 

جب اتار دیتا ہوں، حرفِ نعت کاغذ پر

جھوم جھوم جاتی ہے، کائنات کاغذ پر

 

زلفِ معتبر کی لٹ، شعر میں رقم کر دی

ہو گئی فدا یکسر، کالی رات کاغذ پر

 

شکر بے عدد یا رب، بارگاہِ مدحت میں

بار بار جھکتا ہے، میرا ہات کاغذ پر

 

کس قدر کیا ہم نے، ذکرِ سرورِ عالم

قدسیوں نے لکھی ہے، ساری بات کاغذ پر

 

اذنِ نعت فرما کر، آپ نے کیے آقا

لطفِ خاص خامہ پر، التفات کاغذ پر

 

سیرتِ محمد کا، تذکرہ کیا میں نے

منکشف ہوئے سارے، معجزات کاغذ پر

 

بعدِ مرگ مالک نے، پوچھنا ہے کیا لائے

شعر لکھ کے دیدوں گا، پانچ سات کاغذ پر

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ