اردوئے معلیٰ

Search

 

جب بھی ہم تذکرۂ شہرِ پیمبر لکھیں

اُس کو بالائے زمیں خلد کا منظر لکھیں

 

گفتگو یاد کریں کھول کے قرآنِ حکیم

پھر انہیں لفظ و معانی کا سمندر لکھیں

 

تلخ گفتار کا ماحول بدلنے کے لیے

تذکرہ آپ کے اخلاق کا ُکھل کر لکھیں

 

آؤ آرام گہہِ شہ کی بنائیں تصویر

ہاتھ کا تکیہ لکھیں خاک کا بستر لکھیں

 

ہوگا الفاظ کی صورت میں نزولِ رحمت

ان کی مدحت کو جو ہم اپنا مقدر لکھیں

 

بس یہ اعزاز ہی کافی ہے شفاعت کو صبیحؔ

خود کو ہم پیرو حسّانِ سخن ور لکھیں

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ