اردوئے معلیٰ

Search

جلا ہے دل تو گمان و یقیں بھی جلنے لگے

مکاں جلا تو جلا سب مکیں بھی جلنے لگے

 

ہوائے شہرِ ضرورت کی بے نیازی سے

گھروں کی آگ میں ہم رہ نشیں بھی جلنے لگے

 

غرورِ عشق سلامت رکھے خدا میرا

تری وفا سے مرے نکتہ چیں بھی جلنے لگے

 

تمہاری بزم درخشاں رہے ہمارا کیا

چراغِ راہ گزر ہیں کہیں بھی جلنے لگے

 

یہ کیسی آگ اٹھی بے اماں زمینوں سے

دیارِ فقر کے گوشہ نشیں بھی جلنے لگے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ