حضور آپ کی سیرت بیانِ رحمت ہے

حضور آپ نہ ہوتے تو کچھ نہیں ہوتا

حضور آپ کی ہستی ہی جانِ رحمت ہے

خدا نے آپ کو رحمت بنا کے بھیجا ہے

حضور آپ کا اُسوہ جہانِ رحمت ہے

درودِ تاج ہی رہتا ہے ہر گھڑی لب پر

کہ یہ درود مرا ارمغانِ رحمت ہے

ہمیں جو گنبدِ خضرا دکھائی دیتا ہے

تمام دہر پہ وہ سائبانِ رحمت ہے

گواہی آیۂ تطہیر دے رہی ہے جہاں

حضور آپ کا وہ خاندانِ رحمت ہے

سلام لاکھوں کروڑوں ہوں آپ پر آقا

سراپا آپ کا واللہ جانِ رحمت ہے

جہاں کی خوشبو سے عالم مہک رہا ہے تمام

مدینہ پاک ہی وہ گلستانِ رحمت ہے

جہاں کہیں نظر آجائے چوم لو خاکیؔ

کہ نعلِ پاکِ مقدّس نشانِ رحمت ہے