اردوئے معلیٰ

Search

حضور باغ ، بہاراں ، نکھار کیہ کریے

ترے بنا جے نہ آوے قرار کیہ کریے

 

سنیندا کون اے جگ تے صدا غریباں دی

نبی نبی جے نہ کریے تے یار کیہ کریے

 

وچھا کے دل دا مصلّہ خیال صف وچ نیں

براق دا جے نہ آوے سوار کیہ کریے

 

تری اڈیک چا ڈھاوے پہاڑ صبراں دا

جگر وچھوڑے دی چیرے کٹار کیہ کریے

 

کدے جا ویچیئے سودا مدینے باہجھ آقا

کِتے نہ لگدا غماں دا بزار کیہ کریے

 

نصیب قافلہ ٹوریں جدے وی توں چاہویں

تری رضا دے جو ہتھ اے مہار کیہ کریے

 

نظر دا جام کیہ اعجازؔ توں پلا چھڈیا

مزار وچ وی نہ لاہنے خمار کیہ کریے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ