اردوئے معلیٰ

Search

 

دل میں ہے خیال رخ نیکوئے محمد

اللہ کے گھر میں ہے بسی بوئے محمد

 

کیا رنگ تصور ہے کہ ہر سانس سے مل کر

آتی ہے ہوائے چمن کوئے محمد

 

لے جائے اجل جان کی پروا نہیں مجھ کو

ہے تار رگ جاں مجھے ہر سوئے محمد

 

آ جائے نظر راہ میں گر نقش کف پا

آنکھوں سے چلوں میں طرف کوئے محمد

 

تولا ہے بہت جانچ کے ارباب نظر نے

ہیں شمس و قمر سنگ ترازوے محمد

 

البر ہے، دل آرام ہے، دلدار ہے وہ دل

جس دل میں ہے یاد رخ دلجوئے محمد

 

سینے سے لگاوں میں امیر آنکھوں میں رکھوں

ہیں پھول مجھے خار و خس کوئے محمد

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ