اردوئے معلیٰ

Search

دنیا میں کہاں ہوں گے گلزار مدینے سے

فردوس کی ملحق ہے دیوار مدینے سے

 

یہ شہرِ محبت کے زائر سے کوئی پوچھے

کس درجہ پلٹنا ہے دشوار مدینے سے

 

دامانِ کرم ان کا ہر اک پہ کشادہ ہے

لے آتے ہیں بھر کے سب انوار مدینے سے

 

تم اپنی نمازوں سے غافل نہ کبھی ہونا

آواز یہ دیتے ہیں سرکار مدینے سے

 

کیوں کر نہ کروں ان کی گلیوں میں جبیں سائی

مظہرؔ مجھے ملتے ہیں اشعار مدینے سے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ