اردوئے معلیٰ

Search

ذرہ ذرہ درود پڑھتا ہے

قریہ قریہ درود پڑھتا ہے

 

ان کھلا پھول پڑھ رہا ہے سلام

اور کھلتا درود پڑھتا ہے

 

آنکھ رہتی ہے منتظر ان کی

اور رستہ درود پڑھتا ہے

 

آپ آتے ہیں اس کے پاس بھی جو

گھر میں بیٹھا درود پڑھتا ہے

 

رات دن کر رہے ہیں ان کی ثنا

لمحہ لمحہ درود پڑھتا ہے

 

پیڑ تسبیح پڑھتے ہیں ان کی

اور پرندہ درود پڑھتا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ